Dammene ancora

(Rit.)Dammene ancora te ddr'emozione ca me libera ntra' l'aria la gente la ole e lu dj a iddrha se ispira nu me fermare la musica stasira

(Don rico)Quannu parte ntra l'aria la musica, e potente energia ca se libera, nu se ite nu se tocca ma ete fisica percé, te ne zicca e te ne porta te intra l'anima, comu sia ca ete la chiu' bella machina, a ddhu se chianta la gente ca se cotula, c'ète postu pe tutti c'ète n'infinita, te spaziu per ci tene sensibilità, a ddrha vibrazione cauta ca ete comu nà, forza irrefrenabile ca è comu sia ca, stae intra de tie te minte ddrha volontà, cu zumpi cu libertà sempre cu dignità.

(Rit.)Dammene ancora te ddr'emozione ca me libera ntra' l'aria la gente la ole e lu dj a iddrha se ispira nu me fermare la musica stasira

(Terron fabio)Tie la sai ca nu pueti liare, ddrhu gustu e ddrha voglia ca ne face cantare, tie la sai ca nu pueti stutare, stu fuecu stà musica e ci tene te dire, tie la sai ca nu pueti fermare, nu saccu te gente ca ene a ballare, moi uniti a quai l'imu dire la musica reggae nu pote murire, cu iddrha ieu mparu cu iddrha canuscu, cu iddrha azzu cu iddrha me curcu, cu iddrha ieu ciocu cu iddrha su seriu, cu iddrha capiscu cu biciu chiu' chiaru, cu iddrha ieu fumu cu iddrha me stonu, le storie fiacche cu iddrha abbandonu, me serve te aiuto per la conoscenza, comu na fimmena nu pueti stare senza.(Nandu popu)Sta festa ete na tradizione intra la terra mia, ae tantu tiempu ca stu ritmu liberta ole troa, comu li nonni nesci se turcianu culla pizzica, sapianu ca la malvagità se ince cu la musica, cantavanu le rime cu spezzanu catine, mescavanu la raggia cu l'amore e la passione, nui l'imu ereditata e proseguimu sta missione, moi tamme sulu reggae ca bruciamu ogni oppressione.

(Rit.)Dammene ancora te ddr'emozione ca me libera ntra' l'aria la gente la ole e lu dj a iddrha se ispira nu me fermare la musica stasira