#
Название
Альбом
Текст песни
О святы́й му́чениче Христо́в Три́фоне ско́рый помо́щниче всем к тебе́ прибега́ющим и моля́щимся пред святы́м твои́м о́бразом скоропослу́шный предста́телю
Услы́ши ны́не и на вся́кий час моле́ние нас почита́ющих святу́ю па́мять твою́ и предста́тельствуй о нас пред Го́сподем на вся́ком ме́сте
Ты бо уго́дниче Христо́в святы́й му́чениче и чудотво́рче Три́фоне в вели́ких чудесе́х возсия́вый пре́жде исхо́да твоего́ от жития́ сего́ тле́ннаго моли́лся еси́ за ны ко Го́споду и испроси́л еси́ у Него́ дар сей а́ще кто в ко́ей-ли́бо ну́жде беде́ печа́ли и боле́зни душе́вней или́ теле́сней призыва́ти на́чнет свято́е и́мя твое́ той изба́влен бу́дет от вся́каго прило́га зла́го
И я́коже ты не́когда дщерь царе́ву во гра́де Ри́ме от диа́вола му́чиму исцели́л еси́ си́це и нас от лю́тых его́ ко́зней сохрани́ во вся дни жития́ на́шего наипа́че же в день после́дняго на́шего издыха́ния предста́тельствуй о нас Бу́ди нам тогда́ помо́щник и ско́рый прогони́тель лука́вых духо́в и к Ца́рствию Небе́сному предводи́тель иде́же ты ны́не предстои́ши с ли́ки святы́х у Престо́ла Бо́жия
Моли́ Го́спода да сподо́бит и нас прича́стники бы́ти присносу́щнаго весе́лия и ра́дости да с тобо́ю ку́пно удосто́имся сла́вити Отца́ и Сы́на и Свята́го Уте́шителя Ду́ха во ве́ки веко́в Ами́нь
Чтобы увидеть полный текст,
Поток по треку
Похожие по звучанию треки из нашей коллекции
Другие треки альбома «Молитвы небесным заступникам»
#
Название
Альбом