Текст песни

А́нгеле Христо́в святы́й, к тебé припа́дая молю́ся, храни́телю мой святы́й, прида́нный мне на соблюдéние души́ и тéлу моему́ грéшному от свята́го крещéния, аз же своéю лéностию и свои́м злым обы́чаем прогнéвах твою́ пречи́стую свéтлость и отгна́х тя от себé всéми сту́дными дéлы: лжа́ми, клевета́ми, за́вистию, осуждéнием, презо́рством, непоко́рством, братоненавидéнием, и злопомнéнием, сребролю́бием, прелюбодея́нием, я́ростию, ску́постию, объядéнием без сы́тости и опи́вством, многоглаго́ланием, злы́ми по́мыслы и лука́выми, го́рдым обы́чаем и блу́дным возбешéнием, имы́й самохотéние на вся́кое плотско́е вожделéние. О зло́е моé произволéние, его́ же и ско́ти безсловéснии не творя́т! Да ка́ко возмо́жеши воззрéти на мя, или́ приступи́ти ко мне, а́ки псу смердя́щему? Кото́рыма очи́ма, А́нгеле Христо́в, воззри́ши на мя, оплéтшася зле во гну́сных дéлех? Да ка́ко ужé возмогу́ отпущéния проси́ти го́рьким и злым мои́м и лука́вым дея́нием, в ня́же впада́ю по вся дни и но́щи и на всяк час? Но молю́ся ти припа́дая, храни́телю мой святы́й, умилосéрдися на мя грéшнаго и недосто́йнаго раба́ твоего́ (имя), бу́ди ми помо́щник и засту́пник на зла́го моего́ сопроти́вника, святы́ми твои́ми моли́твами, и Ца́рствия Бо́жия прича́стника мя сотвори́ со всéми святы́ми, всегда́, и ны́не и при́сно и во вéки веко́в. Ами́нь

Чтобы увидеть полный текст,

войдите

Информация о правообладателе: Musmedia Digital
Поток по треку

Поток по треку


Похожие по звучанию треки из нашей коллекции

Сервис может содержать контент, не предназначенный для несовершеннолетних, в том числе упоминающий о наркотических средствах, психотропных веществах и их аналогах, незаконное потребление которых причиняет вред здоровью, их незаконный оборот запрещен и влечет установленную законодательством ответственность.
©2026, ООО «Звук». В Сервисе применяются рекомендательные технологии в соответствии с

Правилами